Publikuar më: 26/02/2026
NJOFTIM PËR POZICIONIN VAKANT “MAGAZINIER, SEKTORI I BUXHETIT, FINANCËS DHE SHËRBIMEVE NË ZYRËN PËRMBARIMORE TIRANË
Drejtoria e Përgjithshme e Përmbarimit shpall njoftimin për personat e interesuar për pozicionin:
1 (një) Magazinier Sektori i Buxhetit, Finance dhe Shërbimeve, Zyra Përmbarimore Tiranë.
- Kategoria e pagës: Klasa IV (sipas VKM nr. 326, datë 31.05.2023, i ndryshuar)
- Lloji i punës: Punë me kohë të plotë (8 orë në ditë, me afat të caktuar)
Detyrat kryesore:
Administron dhe dokumenton lëvizjen e vlerave materiale dhe harton dokumentacionin përkatës, lëshon fletëhyrje, pasi të jetë bërë më parë verifikimi fizik i sasisë, i cilësisë dhe i çmimit;
Evidenton në kartelat e magazinës fletë-hyrjet dhe fletë-daljet dhe bën rakordimin e tyre me kartelat e llogarisë;
Ndan sipas planit dhe normativave të miratuara karburantin dhe çdo muaj përpilon pasqyrën përmbledhëse të shpërndarjes;
Evidenton mallrat me qarkullim të ngadalshëm dhe informon për to;
Për mallrat me përdorim të gjerë, informon vazhdimisht mbi gjendjen e tyre në magazinë duke bërë parandalimin e mungesës së tyre;
Përgjigjet për ruajtjen, mirëmbajtjen dhe sistemimin e vlerave materiale që ka në ngarkim;
Gjatë kryerjes se detyrës, lidhur me administrimin, ruajtjen dhe dokumentimin e vlerave materiale, mban përgjegjësi sipas kuadrit ligjor në fuqi;
Kryen daljen e aktiveve nga magazina mbi bazën e urdhër-dorëzimit, fletë kërkesës, planit të shpërndarjes e kartelës limit dhe dokumentohet me fletëdaljen ose me dokument tjetër të njehsuar me të sipas specifikave të aktiveve;
Dorëzon te nëpunësi përgjegjës për financat e njësisë nga një kopje origjinale për fletëhyrjet, faturën e furnizuesit (shitësit), si dhe fletëdaljen, si dhe hedh në kartelat e magazinës lëvizjet përkatëse në sasi dhe në vlerë sipas afateve të përcaktuara nga njësitë publike në funksion të specifikës së aktivitetit të tyre;
Çdo muaj mbahet procesverbal mbi përcaktimin e gjendjes së vlerave monetare në arkë, letrave me vlerë midis nëpunësit zbatues dhe punonjësit me përgjegjësi materiale.
Kushtet që duhet të plotësojnë kandidati:
- Të jenë shtetas shqiptar;
- Të kenë zotësi të plotë për të vepruar;
- Të zotërojnë gjuhën shqipe në të folur dhe të shkruar;
- Të jenë në kushtet shëndetësore që lejojnë kryerjen e detyrave përkatëse;
- Të mos jenë të dënuar me vendim të formës së prerë;
- Të kenë zotërojë minimalisht diplomën e Arsimit të Mesëm.
- Të kenë aftësi të mira komunikuese.
- Të respektojnë etikën dhe komunikimin me qytetarët që drejtohen pranë institucionit;
- Të mos ketë masë disiplinore në fuqi ose të mos jetë larguar me masë displinore “Shkarkim nga detyra” që nuk është shuar sipas ligjit nr.7961, datë 12.07.1995 “Kodi i Punës Republikës së Shqipërisë”.
Në datën 06.03.2026, Drejtoria e Përgjithshme e Përmbarimit do të njoftojë elektronikisht kandidatët që plotësojnë kushtet dhe kriteret për kualifikim.
Si dhe në të njejtën datë do të njoftohen edhe kandidatët që nuk plotësojnë kriteret e pranimit në mënyrë elektronike për shkaqet e moskualifikimit.
Dokumentat duhet të dorëzohen dorazi ose nëpërmjet postës zyrtare në Drejtorinë e Përgjithshme të Përmbarimit me adresë sheshi. “Mustafa Qemal Ataturku”, Njësia Administrative nr. 7, kryqëzimi 21 dhjetorit, Tiranë, deri në datën 05.03.2026.